影片
更多
2020-12-11
320 浏览
早排同女朋友行尖沙咀，話想試下重慶咖哩，估唔到佢一句就話好，難得咁順攤haha～其實一早已經bookmark定呢間餐廳環境幾大幾舒服 入邊仲有包廂 方便一大班人嚟食飯(雖然而家暫時都唔得😭)入到去坐低，店員已經好快手放低咗小食胡椒薄脆餅，本身脆片比較辣，配合薄荷醬蘸中和返個味道，另外因為餐牌太多嘢揀，花多眼亂所以揀咗好耐～最後就叫咗個牛油烤雞、芝士菠菜、咖哩角同埋蒜蓉烤餅。咖哩角比起平時嘅大舊得多，外皮脆卜卜而內餡好足料！食得出係自家製嘅完全唔似出面嘅有雪藏未，咖哩味道亦相當濃厚，配合埋酸咪咪嘅醬中和返炸物嘅油膩感，當做主菜前嘅小食都唔錯！牛油烤雞屬於印度嘅名菜啦，難得嚟到正宗印度餐廳點都要試下嘅!用牛油同茄醬所煮成嘅甜酸嘅惹味感，真係令人難以抗拒!超香!!!個人認為比起普通咖喱雞出色得多，因為咖哩有時只會有種死辣嘅味道，但牛油烤雞充滿著各種香味，如洋蔥、桂皮、孜然等等。就咁食雞又得，落啲醬喺薄餅上食都得!平時食開東南亞嘅薄餅都較為脆口同薄身，而呢款嘅印度薄餅就較煙靭同厚身，適合沾醬食!呢個就係芝士菠菜，其實一上菜時真係有少少嚇親，因為同我想像中嘅芝士菠菜都有啲出入haha～不過味道行
其實一早已經bookmark定呢間
餐廳環境幾大幾舒服 入邊仲有包廂 方便一大班人嚟食飯(雖然而家暫時都唔得😭)
入到去坐低，店員已經好快手放低咗小食胡椒薄脆餅，本身脆片比較辣，配合薄荷醬蘸中和返個味道，另外因為餐牌太多嘢揀，花多眼亂所以揀咗好耐～
最後就叫咗個牛油烤雞、芝士菠菜、咖哩角同埋蒜蓉烤餅。
咖哩角比起平時嘅大舊得多，外皮脆卜卜而內餡好足料！食得出係自家製嘅完全唔似出面嘅有雪藏未，咖哩味道亦相當濃厚，配合埋酸咪咪嘅醬中和返炸物嘅油膩感，當做主菜前嘅小食都唔錯！
牛油烤雞屬於印度嘅名菜啦，難得嚟到正宗印度餐廳點都要試下嘅!用牛油同茄醬所煮成嘅甜酸嘅惹味感，真係令人難以抗拒!超香!!!個人認為比起普通咖喱雞出色得多，因為咖哩有時只會有種死辣嘅味道，但牛油烤雞充滿著各種香味，如洋蔥、桂皮、孜然等等。
就咁食雞又得，落啲醬喺薄餅上食都得!平時食開東南亞嘅薄餅都較為脆口同薄身，而呢款嘅印度薄餅就較煙靭同厚身，適合沾醬食!
呢個就係芝士菠菜，其實一上菜時真係有少少嚇親，因為同我想像中嘅芝士菠菜都有啲出入haha～不過味道行先，都要讚讚佢嘅！芝士不是拉絲個種～但勝在芝味濃，同攪碎咗菠菜融為一體，加埋蒜蓉薄餅就一流！
.
呢度嘅服務質素超好 老細雖然係印度人 但廣東話口音超級純正 仲要係有良心同路人 梗係要去支持下🙈👍🏻
张贴
