寶琳冰室 (寶林市場) (已結業)

第一次光顧買晚上外賣，一個脆皮豬手配天使麵，一個西冷牛扒配薯條，兩個羅宋湯，兩塊烘多士，兩杯熱飲，外賣仲有85折，好抵食，外賣包裝穩妥以為外賣會好細份，點知原來比想像中大份精美，多士好好味，薯條夠脆，肉質好，羅宋湯夠辣，奶茶夠滑。整體來說是一間有質素的冰室，眼前一亮。喜歡寶琳冰室餐牌多元化多類別，比其他附近茶餐廳優秀，份量價錢都合理，值得一試，打電話叫外賣時職員有耐性有禮貌，店內員工都主動和友善。