更多
2021-03-30
7010 浏览
酒店:Park café (尖沙咀)地址:尖沙咀漆咸道南61-65号香港百乐酒店4楼我真系好挂住台湾🇹🇼,尤其系台湾嘅夜市美食就更加令我回味🥺,最近专登去揾台湾嘢食𠮶阵,见到尖沙咀百乐酒店 @parkhotelhongkong_hk 4楼嘅Park café推出咗「台湾原味道」主题午市自助餐,啱晒我最近想疯狂食台湾嘢嘅谂头😍。而我闲日去就做紧成人每位HK$248加一,可以由12:00noon任饮任食到2:30pm酒店嘅总厨为求带比客人家的感觉🏡,将好多台式食物以home-made嘅形式去处理,尽量唔用现成或者即食嘅来货,务求将食物水准提升到一个更高层次,俾你品尝到较为organic嘅台湾菜式。而除咗台式食物,仲有超过七十款肉类、小菜、沙律、海鲜、冻盘、甜品等比你拣😈一开始梗系试咗佢哋嘅台式冻盘先啦😋,有台式鲜虾火腿蛋饼、台式凉拌卤豆干,而我最钟意嘅喺台式麻辣鸡翼。厨房先将每只鸡翼嘅毛人手抆走,再浸入自己炒制过嘅卤水汁,加上秘制麻辣汁同辣椒🌶️,鸡翼食落冰冻爽口,麻辣香有啲似某米线店嘅麻辣汤底🤣主食推荐唔可以错过呢个红烧牛肉面,佢哋嘅牛展、萝卜同汤底都喺自家调制,用牛展去熬制完个汤底,令汤
地址:尖沙咀漆咸道南61-65号香港百乐酒店4楼
我真系好挂住台湾🇹🇼,尤其系台湾嘅夜市美食就更加令我回味🥺,最近专登去揾台湾嘢食𠮶阵,见到尖沙咀百乐酒店 @parkhotelhongkong_hk 4楼嘅Park café推出咗「台湾原味道」主题午市自助餐,啱晒我最近想疯狂食台湾嘢嘅谂头😍。而我闲日去就做紧成人每位HK$248加一,可以由12:00noon任饮任食到2:30pm
酒店嘅总厨为求带比客人家的感觉🏡,将好多台式食物以home-made嘅形式去处理,尽量唔用现成或者即食嘅来货,务求将食物水准提升到一个更高层次,俾你品尝到较为organic嘅台湾菜式。而除咗台式食物, 仲有超过七十款肉类、小菜、沙律、海鲜、 冻盘、 甜品等比你拣😈
一开始梗系试咗佢哋嘅台式冻盘先啦😋,有台式鲜虾火腿蛋饼、台式凉拌卤豆干,而我最钟意嘅喺台式麻辣鸡翼。 厨房先将每只鸡翼嘅毛人手抆走,再浸入自己炒制过嘅卤水汁,加上秘制麻辣汁同辣椒🌶️,鸡翼食落冰冻爽口,麻辣香有啲似某米线店嘅麻辣汤底🤣
主食推荐唔可以错过呢个红烧牛肉面,佢哋嘅牛展、萝卜同汤底都喺自家调制,用牛展去熬制完个汤底,令汤底非常入味,而煮完汤底嘅牛展就用返,所以食落超腍,萝卜同埋刀削面索晒香浓嘅汤底,一定唔可以错过👍
另外仲有台式烟鸭胸香葱脆薄饼、台式盐酥鸡🐓、台式卤肉刈包、 台式卤肉饭、 台式肠等,俾你一次过可以品尝到唔同嘅台式特色美食。 呢个台式烟鸭胸香葱脆薄饼仲有少少cross over咗中式片皮鸭嘅形式,将烟鸭胸取代片皮鸭;将脆薄饼取代荷叶饼皮,几得意🤪
台式糖水仲有姜汁芋圆糖水,加咗姜汁食落更顺口有味道,因为出面大多数嘅芋圆糖水都无咩味,依家秋冬季节仲可以暖吓身添😎
最后梗系唔少得食返啲甜品同雪糕啦,仲有自家制嘅窝夫同疏乎厘,亦有Dreyer’s嘅雪糕任食,我唔客气喇🤤
张贴