更多
2021-06-04
624 浏览
一段日子冇食印度嘢啦！自己一个人走去食个lunch。呢间店铺细细地,系印度人家庭式(应该没错吧)经营,虽然言语沟通上有少少困难,但佢地都明你讲咩😅。Lunch set有多款选择可配饭、烤饼同千层饼,咖喱汁就有大辣、中辣、小辣同吾辣。点咗个小辣咖喱牛腩配原味烤饼,冻柠茶加$2。蕃茄汤🍅：浓稠适中,味道不错。烤饼🌮：两面烤至微金黄,外皮酥脆,内心柔软,原味就咁食,已经好好味。咖喱牛腩🍲：牛腩炆到好腍入味,薯仔就粉绵,个咖喱汁够浓厚同少少辣好香,同来点烤饼无得输！
张贴
