影片
更多
2022-10-09
7 浏览
中午行咗去柯士甸道嗰邊搵吓有乜好食，我之前已經留意到開咗間小店叫「伴糖水」。呢日終於停低認真睇吓個餐牌，無錯，佢係主打糖水嘅😀。店舖面積細細，裝修簡潔，有兩個堂食座位，不過主要都係做外賣生意吧🥡。店家大約下午一兩點先開舖，所以太早去的話，有部份款式仲製作中，暫未供應。腐竹白果薏米($28)，呢款糖水可揀凍熱兩食，而家天氣都仲成三十度🔥，就梗係要凍啦。糖水大大碗，飲落清涼消暑，而且甜度剛剛好，絕無甜到起痰。腐竹煲到溶晒，糖水佈滿淺黃色嘅碎碎，而非完整一片片，飲落口感順滑，腐竹味亦更突出🤤。糖水入面仲有白果同薏米，但就略嫌白果比較實心，如果加多兩隻鵪鶉蛋就更正！咖哩三寶($28)，三寶包括魷魚、魚蛋同豬皮，份量都唔少！咖哩味勁出色🥘，富有港式風味之餘，唔會過份油膩，兼滲出微微椰香。但留意返，辣度都幾強，仲要越食越辣添🌶，不過又令人食唔停口，好矛盾哈哈。三寶每一樣都整得好入味，同咖哩汁融為一體。魚蛋細細粒，偏淋帶陳皮香；魷魚則一啲都唔韌🦑；而豬皮就大大塊，口感綿綿的，吸盡咖哩汁精華，無得輸。總括嚟講，估唔到小店嘅出品咁有驚喜❤️，兩樣都好啱我味蕾，而且夾埋一齊食係一個唔錯嘅配搭，清甜嘅腐竹糖水
中午行咗去柯士甸道嗰邊搵吓有乜好食，我之前已經留意到開咗間小店叫「伴糖水」。呢日終於停低認真睇吓個餐牌，無錯，佢係主打糖水嘅😀。
店舖面積細細，裝修簡潔，有兩個堂食座位，不過主要都係做外賣生意吧🥡。店家大約下午一兩點先開舖，所以太早去的話，有部份款式仲製作中，暫未供應。
腐竹白果薏米
$28
3 浏览
0 赞好
0 留言
腐竹白果薏米($28)，呢款糖水可揀凍熱兩食，而家天氣都仲成三十度🔥，就梗係要凍啦。糖水大大碗，飲落清涼消暑，而且甜度剛剛好，絕無甜到起痰。腐竹煲到溶晒，糖水佈滿淺黃色嘅碎碎，而非完整一片片，飲落口感順滑，腐竹味亦更突出🤤。糖水入面仲有白果同薏米，但就略嫌白果比較實心，如果加多兩隻鵪鶉蛋就更正！
咖哩三寶
$28
1 浏览
0 赞好
0 留言
咖哩三寶($28)，三寶包括魷魚、魚蛋同豬皮，份量都唔少！咖哩味勁出色🥘，富有港式風味之餘，唔會過份油膩，兼滲出微微椰香。但留意返，辣度都幾強，仲要越食越辣添🌶，不過又令人食唔停口，好矛盾哈哈。三寶每一樣都整得好入味，同咖哩汁融為一體。魚蛋細細粒，偏淋帶陳皮香；魷魚則一啲都唔韌🦑；而豬皮就大大塊，口感綿綿的，吸盡咖哩汁精華，無得輸。
總括嚟講，估唔到小店嘅出品咁有驚喜❤️，兩樣都好啱我味蕾，而且夾埋一齊食係一個唔錯嘅配搭，清甜嘅腐竹糖水可解咖哩嘅辣！自始之後，佢會成為我嘅私家午餐組合。我仲諗住下次淥個米粉，撈佢啲咖哩汁食，唔好嘥，齋諗已經忍唔住流晒口水。
张贴
