咖啡空間

营业中

休息中

我比較鍾意去小眾嘅咖啡店，因為唔想同人迫，又唔想俾人限住食嘢同嘆咖啡嘅時間，依度仲係可以帶小寵物去嘅添，雖然我冇小寵物，但係我都幾享受係依間店坐下。佢唔係裝修好靚嘅店舖，但係佢嘅咖啡就絕對值得你試吓，我叫咗一杯手沖咖啡，亦都叫咗一杯Dirty，因為我係下午茶時間去，所以佢嘅咖啡係減二十蚊就可以叫，如果平時一杯再沖咖啡要成$65 ，我就唔係幾捨得飲啦。叫咗一碗叻沙，一件桂花慕絲蛋糕，再配兩個嘢飲，加埋都係$160 ，好適合做下午茶，坐喺度幾個鐘。重點推介佢嘅咖啡，店員話有蘋果味，雖然我真係唔係幾飲到都有蘋果味，但係以我成日去咖啡店打卡嘅經驗，佢嘅咖啡絕對入口好香，味道都好濃，唔太酸。至於另外杯Dirty，好岩配蛋糕，佢嘅桂花蛋糕我覺得好特別，因為出面冇食過咁嘅配搭，桂花糕加芝士蛋糕，味道非常之清新，配埋dirty，成件事升華晒。