冰室99 (已結業)

上次食完石燒牛之後，望過吓門口個Menu，睇中佢個農夫包 ，決定下次嚟要試埋連住舖嘅冰室99咖哩海鮮配農夫包 $80平時好少食咖喱，今次為咗個農夫包而點，咖喱海鮮有青口丶蝦丶柱貝丶蜆丶蟹柳，仲有有洋蔥丶薯仔丶蕃茄加芝士，外脆內軟嘅農夫包裡面索滿咖喱汁，特別覺得好味！特級T骨牛扒 $128懷舊鐵板餐，件T骨扒都幾大塊，似乎有啲過熟…加上以我相機食先嘅習慣，塊扒嘅肉質已經開始變韌；跟餐仲有湯丶丹麥包同埋飲品，丹麥包酥脆丶重牛油味，更得我心！莓莓奶昔 +$25微微莓味，有少少沙冰嘅口感，甜度啱啱好芒椰派對 $20芒果加椰奶嘅阻合，無想像中咁甜朱古力心太軟配雪糕 $38食到幾飽，都想叫返個甜品，揀咗一定食得哂嘅心太軟，都算少少流心，小小甜，大滿足。