影片
更多
2017-09-15
367 浏览
食遍全港抹茶甜品係我其中一個人生目標 今日又去銅鑼灣發掘美食 本來諗住試其他甜品店 但聽聞京林屋搬左新地方 而且推出左新菜式 咁就同朋友一齊轉移陣地 再去京林屋試菜 😍😍枱面一早佈置好 日式既餐具、熱茶、紙巾、醬油等 一應俱全 非常貼心☺️餐廳依然非常有日本風味 以木屋為主題 仲有樹林做襯托 入面既裝潢都好有心思 令食客賞心悅目 唔單止可以享受美食 仲可以享受下寧靜既環境～我同朋友睇左個餐牌一陣都做唔到決定 因為實在太多選擇 每一個選擇都好吸引 又想食蛋糕 又想食雪糕 又想食蕨餅 又想食飯 又想食麵 最後朋友仲叫多左個讚歧烏冬兩份share 🍜煎茶— 錦上之花呢個煎茶好清新 發出陣陣幽香 帶點甘苦 而茶本身可以幫助消化 消一消濟 😌 一路食主菜 一路飲呢個煎茶絕對係最完美既配搭佢配備左一個漏斗 仲有一張卡片教大家點樣沖呢個煎茶 由於一上枱既時候已經沖好左 所以第二壺開始就要自己落手沖茶～倒左滾水落茶壺之後 就開始用漏斗計時三十秒 等佢既茶味焗耐啲 飲既時候就更甘醇 🍵京式鰻魚飯 $98新推出和食！鰻魚好足料 有唔少片厚肉既鰻魚～鰻魚燒汁好惹味 亦帶出左鰻魚既精髓 既鮮甜又香口😋😋 鰻魚既
枱面一早佈置好 日式既餐具、熱茶、紙巾、醬油等 一應俱全 非常貼心☺️
餐廳依然非常有日本風味 以木屋為主題 仲有樹林做襯托 入面既裝潢都好有心思 令食客賞心悅目 唔單止可以享受美食 仲可以享受下寧靜既環境～
我同朋友睇左個餐牌一陣都做唔到決定 因為實在太多選擇 每一個選擇都好吸引 又想食蛋糕 又想食雪糕 又想食蕨餅 又想食飯 又想食麵 最後朋友仲叫多左個讚歧烏冬兩份share 🍜
煎茶— 錦上之花
呢個煎茶好清新 發出陣陣幽香 帶點甘苦 而茶本身可以幫助消化 消一消濟 😌 一路食主菜 一路飲呢個煎茶絕對係最完美既配搭
佢配備左一個漏斗 仲有一張卡片教大家點樣沖呢個煎茶 由於一上枱既時候已經沖好左 所以第二壺開始就要自己落手沖茶～
倒左滾水落茶壺之後 就開始用漏斗計時三十秒 等佢既茶味焗耐啲 飲既時候就更甘醇 🍵
京式鰻魚飯 $98
新推出和食！鰻魚好足料 有唔少片厚肉既鰻魚～鰻魚燒汁好惹味 亦帶出左鰻魚既精髓 既鮮甜又香口😋😋 鰻魚既皮仲係好軟滑 我同朋友都讚口不絕 呢個係我朋友當日既最愛 ❤️
鰻魚飯必定會令大家瘋狂 因為呢到既燒鰻魚真係用正宗鰻魚作為食材 😍😍 配上海苔同埋蛋絲 🍳 口感味道都一流 👍🏼😋
林屋和食料理 $88
呢個就係其中一道京林屋新推出既日式料理 有飯、四款小菜配醃蘿蔔～ 🍱
八爪魚沙律 🐙
呢個係我最愛既小菜 由八爪魚、蟹籽、蔥同沙律醬混製而成 食落軟林林同埋幾彈牙 八爪魚既味道好正 香口惹味 🐙
木耳 x 玉子 x 燒汁雞肉
呢個燒汁烤雞都好唔錯 充滿香烤風味 燒汁令雞肉帶點甜味 甜甜地咸咸地好唔錯 👍🏼 玉子同木耳都係我中意食既食物 尤其係雞蛋 好香甜細滑 😋😋
日式醃蘿蔔
飯後食個醃蘿蔔 清一清味蕾 因為要預備食其他野 😝😝
抹茶卷蛋
抹茶卷蛋🍳 好出名既京林屋抹茶🍵～ 舊卷蛋軟綿綿 好鬆化！😍中間既抹茶cream超細滑 充滿住濃郁既奶香 呢個應該係佢受歡迎既原因吧～😝另外 抹茶雪糕香甜回甘🍵🍦入口食到好清新既抹茶味 香濃細滑☺️ 佢既紅豆特別大粒特別甜 👍🏼
讚岐烏冬 $68
烏冬口感同味道一流 麵條非常爽口彈牙 呢樣野唔需要多講～😋 今次既重點係塊腐皮😍 我朋友平時通常唔會揀冇肉既餐 因為怕會冇鮮味好寡 但呢兩塊腐皮果然令人眼前一亮😍👍🏼 塊腐皮味道甜甜地 食落有淡淡既豆香 咬落仲軟綿綿☺️ 再配埋個湯 成個感覺好清新 超好味！ 😆
好享受今次既和風之旅 日式料理、甜品都好美味 服務員態度親切 仲為我地主動端上茶水同埋收碟～ 雖然價錢唔平 但係一個好既美食體驗～
张贴
