Wagyu Ya (已結業)

同朋友慶生，朋友揀左尖沙咀這間食和牛的餐廳。位置好方便，在金馬倫道，店鋪唔算大，不過乾淨企理，坐得舒服。一坐下，侍應就送上熱茶，態度熱情。個人好喜歡餐廳的所有碟，真係好靚，睇得出老闆的心思。我地一行4人，點左鵝肝和牛丼、食肉獸、A5吉列和牛咖喱丼、上癮海苔白飯魚脆脆、黑松露牛油果沙律、海膽和牛紫菜taco。食肉獸方面，侍應送上三種點和牛的配料醬，A5和牛真心無得頂，入口即溶，牛味好香，值得一試。白飯魚脆脆好味，不過就貴左少少。鵝肝和牛丼份量都夠，味道濃郁。黑松露牛油果沙律，份量足，幾清新，不錯。海膽和牛紫菜taco味道幾好，是塊紫菜油左少少。A5吉列和牛咖喱丼個人覺得一般，可以俾機會試其他食物。價錢方面偏貴，不過是好味既。