牛舞日本燒肉‧涮涮鍋放題

营业中

休息中

首先，平日夜晚都等下位，如果星期六日就要預鬆啲時間。今次好彩都唔洗等太耐，因為聞住啲燒肉味已經饑餓難耐。一上黎佢就直接上個拼盤，可以試哂佢啲牛雞豬，試啱邊隻再慢慢落order 都唔遲。咁揀得和牛套餐，就緊係叫多幾轉和牛啦。佢地係用薩摩和牛，油脂雪花分佈平均，無論燒到幾成熟，都一樣咁香。個人就推薦兩面各燒30秒，表面微焦，入口即融係基本，肉汁仲要不停爆出黎，成日都係滿滿和牛既香味。再配埋佢個柚子醋，酸酸地可以中和番和牛嘅油膩，perfect match。除左燒，仲可以火鍋，一次滿足兩個願望，有各類配料可以自己拎。另外仲有各種刺身海鮮熟食任叫，特別係磯燒鮑魚同虎蝦我個人最鐘意。最後，作為和牛放題黎講，牛舞可以話係超值，值得回頭再食。