鐵板燒雪舟

营业中

休息中

好鍾意食鐵板燒貪佢又有得食又有得睇。睇住大廚喺面前將上乘嘅食材煮出多道精緻嘅餸菜，個種期待美食嘅感覺真係食omakase/鐵板燒先有。今次試嘅呢間鐵板燒的主廚曾係歐洲學廚，所以好多餸菜都帶點歐洲同日本融合嘅味道。.鐵板燒套餐主要係海鮮同埋和牛為主食。海鮮餐牌當中最欣賞係南非鮑魚，上等的用料只係加入簡單調味，伴上師傅自己特製的蔬菜同菇打成的醬汁，口感軟腍得黎又彈牙，令人食指大動。另外龍蝦配香草牛油，惹味得黎又不失龍蝦的鮮甜味。.我地兩個人各點左唔同嘅套餐，一份係點左蒜頭大蔥薄燒牛肉，內裡有蒜片及蔥花，經過鐵板香煎，牛肉薄片吸收了各種味道，肉汁四溢。另一份的近江牛西冷則用厚切的方法去燒，油花豐富，油香十足，入口即化軟綿綿嘅口感。.海膽炒飯，炒得乾身，粒粒分明。.原本以為每道菜嘅份量都唔係好大，會食得唔夠飽，但係食到甜品嗰一下真係捧住個肚走。