和牛燒肉一郎 (新都城中心二期) (已結業)

之前食過呢度嘅lunch set, 今日又想食和牛燒肉, 就再嚟多次. 餐廳環境闊落, 而且有輸送帶直接送到座位旁邊. 叫咗C餐, 120分鐘掃QR code任食黑毛和牛同另外過百款嘢食, 包括和牛壽司刺身同自家製甜品. 未夠一個鐘已經飽哂🥹 頭盤四個, 舟盛盒, 桶盛, 極上花盛合同埋是日寶箱-A4和牛西冷. 店員仲會主動幫手燒👍🏻 和牛油花均勻, 入口即溶✨另外三個頭盤嘅份量係超多, 個人建議叫埋極上花已經好夠, 如果唔係食唔到menu入面其他嘢🥲 極上花盛合有美國牛肋肉, 牛里脊, 橫膈膜, 豚肋肉同牛舌等等, 可以一次過試哂唔同部位, 用嚟打咭亦都唔錯✨除此之外仲有多款炸物, 卷物, 壽司, 韓式前菜, 自助沙律吧, 飲品吧, 甜品吧等等供應, 連爆谷都有🍿 正常人一次唔會試得哂😂 但都記得要留番少少空間食甜品, 因為真係surprisingly好食, 推介檸檬忌廉杯同埋玉桂青蘋果芝士餅🤤💛個人必食推介: 和牛西冷, 和牛薄炙壽喜燒里脊肉, 一口和牛, 生牛肉刺身, 生牛肉壽司, 廣島蠔, 明太子薯仔沙律, 檸檬忌廉杯, 玉桂青蘋果芝士餅返食指數: 🥑🥑🥑🥑 (5🥑滿分)#日本