一瀧 (已結業)

疫情嘅时候，好多人都话黎一泷食饭就好似去左🇯🇵日本旅行咁。搭䢂上到去，一开䢂门就见到传统日式装修，一石一木一花都充满日本气色。 🍣日本海胆配火炙A4宫崎和牛寿司：实物真系眼前一亮，和牛包住寿司饭，海胆上面仲有少少金箔，真系超豪华嘅配搭。外围嘅内围经过火炙处理（即和牛贴住饭嘅𠮶一面），有一种睇唔出嘅香气，但系一入口就好澎拜咁涌出黎。一片和牛，正反两面，一冷一热。火炙和牛嘅味道开始散去嘅同时，然后下一波嘅攻势系由海胆发动。海胆同和牛都系比较浓味嘅食物，估唔到可以摆埋一齐，清甜嘅海胆平衡左和牛嘅油脂感，令口腔唔会持续有油腻感。 🍣吞拿鱼蓉松叶蟹肉卷：有只蟹钳一齐上碟，一啖咬落去好清甜。松叶蟹肉填满卷物嘅中心，顶部铺上吞拿鱼蓉，如果加少少虾嘅成份（可能有但系我唔知）就一物三味食齐鱼虾蟹。 🍗一泷唐扬炸三濑鸡：外围入墨鱼汁炸浆，薄身少少脆口，一啖咬落去仲热热地出紧烟（食到最后一件仲有少少烟），谂住咁热嘅话可能中间会好干身，但系肉质依然保持嫰滑多汁。一道菜嘅成功真系连锁效应，环环紧扣，煮好之后保持温度，及时上枱。 🍲博多牛肠锅（二人前）：系今晚嘅重点，香港真系无咩地方食牛肠锅，就算有都未必好食，暂