船皇 (謝斐道) (已結業)

上堂前有一個鐘時間食飯，甘岩見到呢間有任食串燒的泰國船麵餐廳，真係覺得好有新意，二話不説就去試了。叫一碗船河就可以加$68任食串燒。其實個船河都好大碗，湯底不會過甜，調味ok，但河粉好粗，而且比較難消化。我係衝著串燒去的，基本上叫左menu上大半的串燒，有牛柳粒、魷魚、瓜類等。落完單等幾分鐘就有，厨房好快手。所以我都叫左兩輪。最好食係魷魚。呢個價錢不貴，過下口癮又不錯。