誰是老闆 (已結業)

夜晚差唔多8點去到無乜人,同老婆搵位坐低,環境幾好坐得舒服。餐牌好多選擇,見隔離個鐵板餐賣相幾好,於是點個鐵板T骨扒洋汁,落單時阿姐問要幾成熟真係有意外(但係其實無乜分別),於是叫7成熟。鐵板上熱辣辣真係唔錯,T骨扒好大件,跟飯一樣好大碗,包你食唔哂。刀一切,牛扒9成半熟啦,無血,肉拿到淋哂無哂牛肉味,剩番洋汁撈飯都唔錯。老婆叫個豬扒鍋飯,豬扒一樣好淋。仲有杯餐飲凍奶茶同士應招呼都仲可以,兩人賣單一百有多,但牛扒味道比集團式快餐店仲差。