更多
2019-12-25
116 浏览
先上嘅系泰式奶茶($24 ),用咗手标茶同炼奶冲,标准泰式味道,怕甜嘅朋友不妨等啲冰溶少少沟淡啲再饮,三色拼盘鸡翼( $58 )三种鸡翼各有特色,酸辣冻鸡翼用上泰式凤爪做法,颇为开胃,而鸡翼够晒厚肉加上冻食嘅关系,口感爽脆,鱼露香茅鸡翼香料味十足,惹味之选,红咖喱鸡翼辣度足够,腌得亦入味,食落过瘾。.牛肉船面( $58 )亦系佢哋嘅主打,汤底十分足料,清甜得来带少少药材味,面底拣咗我最爱嘅金边粉,贪佢索到汤之余亦保持到烟韧嘅口感,牛肋条焖得入味,厚肉得黎唔会好柴,而邪恶嘅炸猪皮更加系画龙点睛。
张贴