KiKi麵店 (國際金融中心商場)

营业中

休息中

因为落大雨，就朋友方便，都系留返喺附近商场食嘢。临时决定去食Kiki面。好彩我哋早到，唔使等就有位。我哋叫咗两个面set: 有齐前菜、主食同饮品。🦀蟹黄油拌面 + 蒜片台式肠 + 冻白桃乌龙 （$148）- 蟹黄油拌面可自行加入蟹黄、蟹油及醋，我试咗一啖原味之后就落晒所有配料，捞埋一齐食。加咗醋令蟹肉鲜味大大提升，钟意食蟹嘅人一定喜欢呢个拌面。- 台式香肠甜甜地，唔会太油，味道唔错。- 冻白桃乌龙茶，颇大杯，有桃香味，乌龙茶可解除油腻感。🥣鲍鱼花胶浓汤鸡灌面 + 凉拌皮蛋 + 热冬瓜茶 （$148）- 鲍鱼花胶鸡汤面嘅鸡汤味道浓郁，无加味精，饮完唔会口干。两只鲍鱼同两片花胶都好淋滑，以呢个价钱嚟讲都算有惊喜。- 凉拌皮蛋，味道普普通通，可以唔试。- 热冬瓜茶，味道清香，唔会太甜。