灑家粥麵 (已結業)

呢排临近新年谂住食清啲所以拣洒家粥面，一入到去间餐厅啲员工望住我同友人企喺门口都冇理过我哋。又冇登记又唔指挥排队净系由得啲客人喺门口度等，过咗一段时间先至有一个侍应埋黎问系咪两个。谂住算啦，之后坐低叫嘢食，叫左全日套餐。个全日套餐包左一个汤两个小菜，跟住可以拣饭或者粥，再送两个甜品，但系我哋唔想食甜品嘅关系，就转左两杯饮品。个汤几够料，无花果味好重，好清甜，但好似细碗左少少如果2个人。个粥系明火米王粥，几绵，几好食。之后讲下啲小菜个花菇什菜煲分量恰到好处，味道清清地，粉丝分量好够，菜嘅种类都唔少。个啫啫滑鸡煲啲鸡都做得几嫩滑，猪润份量都好多唔会好鞋而且切得几厚。但系略嫌佢系有啲咸。整体上味道几好只系服务态度欠佳。