L.D.K. by Ufufu Café (東薈城名店倉) (已結業)

餐廳位於東薈城7樓，大食代food deli同一層，前身係翠華燒味。假日下午茶時間都好多人，要等大約25至30分鐘才有位。假日係冇午餐或者下午茶，全部都係單點。餐廳主打是似乎係pancake和甜品。但朋友今日唔想食甜品，所以點了兩個主菜。主菜的選擇都不少，有飯，意粉，沙律，鐵板，漢堡包等。九州風海鮮蕃茄意粉 $138意粉有魷魚圈，蝦和青口，很豐富。煮得剛好，魷魚圈和蝦都很爽口，只是青口有點韌。餐牌蕃茄意粉強調是用熊本蕃茄 ，但蕃茄味不算很濃郁，有點失望。意粉內加了少許辣椒，微微帶點辣 。吉列豚肉佐咖哩蛋包飯 $148賣相非常吸引，咖喱味很香。因為是日本咖哩，唔辣，帶甜味，配飯一流。吉列豬扒，外層炸得非常脆，內裏都算軟熟，整體味道好非常好。蛋包飯也值得一讚，蛋味濃而且非常滑，裡面包著的是蘑菇炒飯，味道少少甜和香濃。這個蛋包飯值得一試。整體來說，食物味道不錯，環境和服務都不差，來到東涌的朋友可以去試試。