Book枱：明明book3位下午12點半，到達的時候從預約簿上怎麼找也找不著，還好我眼利見到自己名字(串錯的)在下面，寫著「夜晚7點」，
唔係呀嘛，7點pm同12點半pm會唔會差得太遠呀？你不如寫落第二日度添啦。打電話預約的時候又趕住收線咁，真係唔恨做生意咁。
座位：話個booking搞錯，suppose係無位，「大發慈悲」咁比個門口張四人枱我地，對住個門口，度門仲要係唔識刪埋，D人出出入入當然係唔理人感受，我地成個午餐淨係幫佢刪門都玩左10次左右，之後放棄由得佢中門大開。
點餐：無水無menu，menu叫左3次先比一本你睇，3個人睇左一本menu唔夠1分鐘就自己走埋黎想落單
。
我地全程其實無咩心機，求其叫左3個set lunch就算。客觀地說，人均＄120可以在中環食到份量不算太少的午餐，抵食指數算高。肉扒煮得過熟，夠大件但有D韌；雞胸簡直超級抵食，3大塊像是三層漢堡扒一樣玩層層疊，就算沒有配菜，只是看到已經飽了一半，當然質素來說它有點鞋口；煎魚也有兩大塊，還有大量薯蓉墊底，可惜是牛油汁底，有點油膩。
雖然抵食，但味道超級一般，無service之餘還有極其高傲的服務態度，最衰至少要比一分，否則我想比服務負分，絕對無下次。
