Roll & Mari (已結業)

係韓國街搵食，諗住係韓國人打黎會有韓式風味..點知都係食唔到係韓國食既味道。又唔可以話係好差，但就唔多地道咁樣。入面好細，坐得好迫下..郁一郁都會整到格籬枱。炸醬麵麻麻地，唔識形容...得個樣似炸醬麵但個醬就一般般...個麵質都麻麻地。另外個個粉絲牛肉煲算OK，味道算係可以既...起碼真係有牛肉先..個湯底係甜甜地..送飯都幾好食...最後個泡菜煎餅都還可以，係3種食物中最好食既..有小小油油地、都煎得幾香。有啲大個，食到最後食唔哂。