九份飽 (蜆殼街)

疫情之下，冇辦法去台灣，唯有食去食台灣菜。

呢碟涼伴豬耳咬落去好爽口，唔算辣。愈食愈開胃

至於個綜合湯，白魚蛋好彈牙，配合埋紫菜，好香。成個湯飲完唔會口渴，相信入面冇落味精。

有雞排同魯肉，一個飯滿足兩個慾望，雞排外層炸得好脆，食落去入面肉質結實，同係台灣食嘅差不多。

大腸包小腸，本來以為好似台灣食咁大條，原來係細細條，可以一啖擺落口，配合蒜、酸菜、花生，好香。

蔬菜肉鬆手抓餅，用生菜圍住蕃茄、肉鬆同蛋，外面再包手抓餅。留意要立即食，食第二舊擺耐咗，結果手抓餅變硬。

今次食完當自己去咗台灣旅行。希望疫情快啲好返。