粵廚點心專門店 (已結業)

今日想去食下點心，先發現原來呢間粵廚點心係同香港仔魚蛋粉係朋友，入面menu 除咗點心，都有粉麵。燒汁雞扒大碗飯睇相好吸引，即刻忍唔住叫，不過嚟到係有少少失望，無相片咁澎湃。話雖如此，個燒汁雞扒係唔錯，如果厚身少少會更好，飯汁亦可加多少少。流沙奶皇包點心係即叫即蒸，上桌熱辣辣，奶皇好有蛋黃香，亦好流沙，食到差啲漏奶皇，哈哈。牛肉球都係熱辣辣！呢個牛肉球比較特別，係混合咗生菜嘅，都幾有牛肉味。唯一覺得有啲貴，係呢度會收5蚊茶錢。