味千拉麵

营业中

休息中

味千之霸：拉麵麵條煙韌，可以自選麵既質感軟硬度，而且餸菜都有五款：叉燒都算大塊但比較瘦且乾身，肉本身無肉味，質感普通；豬軟骨都好大件，肉質嫩滑味道豐富，必點推薦；溏心蛋有流心效果；配合大量木耳絲及蔥花，整體賣相都好滿意，但我覺得日式拉麵無理由無竹筍，咁就比較欠妥當。味千餃子：餃子有五隻擺盤唔算太整齊有掛邊情況，賣相就一般。味道上外皮脆身，但咬開時有豐富肉汁，肉質都好鮮甜，味道上都滿意。蜂蜜百香果茉莉綠茶：份量都有九成滿賣相都吸引既，味道上甜度適中，入口非常夠凍，啖啖都有百香果籽，口感豐富。燉煮豬軟骨：因為都幾好食，所以另外加配，豬軟骨都好大件，肉質嫩滑味道豐富，必點推薦。竹筍：要另外加配咁個份量都好夠，入口爽脆沒有筍腥味，口感好好。