大松日 (已結業)

公司同事講明邊個抽到閱文都答應輪住請食飯😍😍今日同事出手夠闊， 請食日本菜。高銀好近公司， 入面4間食肆3間都閒閒地要3-400蚊一餐午餐。所以， 一係食公司飯， 否則無咩喜慶都唔會去， 太破費。今日同事出手闊綽，請去大松日食lunch。第一次去， 鄉里出城 lunch menu有好多選擇(搞到選擇困難😂)。有鐵板燒， sashimi, sushi, tempura等等。有一個8 course menu要$450， 雖然係閱文請， 我都係揀左一個$280既厚燒A5和牛餐。包括有沙律，一碗炒飯， 和牛粒， 海帶豆腐湯及雪糕。同事就叫左$320既sashimi餐。兩個餐比較， 我覺得個sashimi餐抵食好多。 sashimi新鮮件數又多， 其中帶子又厚又大又新鮮。 我既厚燒和牛7成， 噢…overcook左。又唔夠肉味， 而比較老， 難咬。作為一個pricey lunch, 我覺得已經交足貨。我好想下次搵到外塊再去試吓tempura. 我見其他人叫既set味味都好“四正”， 碟頭都算重磅， 而且service及坐位都唔錯， 整體有質素。 如果想靜靜地食晚飯， 呢度係好好既選擇。因商業區