韓舍 (已結業)

原本捻住食下面𠮶间嘅，点知上面𠮶间等快d，所以就咁就中招！中招嘅原因系，个炉完全系唔够热，烧左半个钟都系攞过两转野，不过咁都未到最离谱。一路食，一路研究有乜好食啦，牛猪鸡鱼都有，但系得牛煮得过，因为第一就算唔够熟都冇咁危险，第二，冇咁咸，佢d盐好似免费任落咁，得牛肉冇咁咸。当然，有寿司刺身等等，刺身本身唔系特别好，同放题比差少少，但仲要每人4件，寿司就任攞，梗系啦，饭咋嘛。甜品方面，真系得个甜字。哦，仲有爆谷同买要企响度等成世先卷到少少嘅棉花糖。计我话，呢间野韩烧只系配菜黎.食左一个钟，落肚嘅都系 好有限，叫经理黎处理，哗，黎料！好似求佢咁，讲极都唔换台唔换炉！！姓曾个经理仲话：好老实讲，呢度张张台都系咁咖嘞，其他人都系咁食！我地出面仲有好多客等紧，你唔中意可以离开让比等紧嘅人！虽然佢地早埋单又不断催，不过我地几歹都唔早走，食甜品食到够为止。比两旧水食甜品，我不如去甜品铺好过！！好离谱啰，未见过咁做生意啰！