堂小二

营业中

休息中

喺元朗行完山出返嚟市區諗住搭車嗰陣時呢，就見到呢一間舖頭仔。咁我見到佢有$8一份魚蛋喎，然後呢就入去買咗嚟食。食食吓嗰陣時呢，見到有$32優惠嘅黑松露意大利粉。跟住我又買咗份返屋企。見唔見到上面嗰啲黑松露係幾咁足料？個誠意可以話係一百分💯！雖然奶油味唔重，但勝在足料。啲蘑菇同埋煙肉超級大隻，成個份食落去真係飽。如果唔計味道，唔計賣相嘅話呢呢一餐真係好抵！講返個口感，意粉呢種食物呢真係唔可以外賣。返到去屋企個零鐘頭沖埋個涼，乜都淋晒啦。所以我係唔建議大家擺太耐先至食㗎！煙肉同埋蘑菇呢系唔會受呢樣嘢影響嘅，味道仲可以夠入味。黑松露呢就唔算太香，醬汁同埋黑松露都需要自己撈落底。$32算係咁㗎啦。