更多
2020-02-09
1152 浏览
原本都赞紧好食，点知食食下系餐厅入面发生左一件事令到我无哂心情！一肚气！正值武汉肺炎肆虐期间，已经留系屋企成个星期，适逢元宵节就出去睇场戏食个饭，口罩贵过猪肉，难买过厕纸同米，矜贵过熊猫，所以出街带一个口罩都尽可能唔换新，但食饭总系要除低，之前有报道医生都指出过可以用纸巾垫住放，食完饭可以戴返，今晚就系比个餐厅员工，有个稍为上左年纪既男员工行过黎向我示意枱面既口罩！ 咩事？要我处理下？ 唔比我放？跟捉医生指引用纸巾垫住，我丝毫不影响餐厅张枱架㖞！ 如果不容许，唔该系门口贴上入内进餐严禁口罩放低啦，唔怪之得隔离间间餐厅爆满食客又多人等位，呢间餐厅就拍乌蝇水静河飞！ 事出必有因！ 好地地心情愉快比但员工整到咩心情都无哂！唔该老板正视下！！ 另外仲要提系d清洁好有问题！点完餐就发现原本枱上既碟已经满布点点污渍！ 哗！根本无洗，有无病毒有无菌架？！
21 浏览
0 赞好
0 留言
张贴
