影片
更多
2018-06-07
1890 浏览
是日一家总动员一齐去到《稚》食饭，听讲非常人多，所以母亲一早就出门攞位。相传呢度嘅定食同猫饭唔错，于是一家五大一细，分别叫咗四个定食加几份小食。但食物逐一到来之后，大家嘅失望都愈大。先讲下小食，大阪烧真系太过份！除咗菜同粉嘅比例极不正常，太多菜粉少，中心只有少量未熟稀粉浆，口感不是滋味。而最嬲系大阪烧明显系煎㶶，整个饼只有㶶同苦味，落大量酱汁都盖不过呢份苦味，店家仍将之递到客人枱上。觉得这种烹调态度太失礼，而且极不专业。而蜂蜜芥末鸡翼，其实酱汁系不俗，但唯恐只仅限酱汁，因为鸡翼系不带任何味道，两件事情可以话系各不相干，炸得太老，肉太干食落榎口，所以我都相当一头雾水，吃不下。定食之中，分别柯打咗和风牛肉定食、蒜香杂菌炒椰菜定食、咖哩吉列猪扒定食同蒲烧鳗鱼原条。我地一家都有柯打店家有名嘅猫饭，猫饭主要由酱油、牛油、木鱼、紫菜捞成；但真心一家人都食唔出酱油嘅味道，调味实在有为欠奉。而和风牛肉同蒜香杂菌椰菜系最差，用差形容嘅原因系，蒜香炒杂菌椰菜系苦而且调味唔够，以早前嘅大阪烧表现推断，好怀疑可能系煮食用具㶶咗，仍不断作菜而引起，老实讲无乜调味除咗个浸浓苦味。和风牛肉败北之处则系肥牛一啲都唔入
先讲下小食，大阪烧真系太过份！除咗菜同粉嘅比例极不正常，太多菜粉少，中心只有少量未熟稀粉浆，口感不是滋味。而最嬲系大阪烧明显系煎㶶，整个饼只有㶶同苦味，落大量酱汁都盖不过呢份苦味，店家仍将之递到客人枱上。觉得这种烹调态度太失礼，而且极不专业。
而蜂蜜芥末鸡翼，其实酱汁系不俗，但唯恐只仅限酱汁，因为鸡翼系不带任何味道，两件事情可以话系各不相干，炸得太老，肉太干食落榎口，所以我都相当一头雾水，吃不下。
定食之中，分别柯打咗和风牛肉定食、蒜香杂菌炒椰菜定食、咖哩吉列猪扒定食同蒲烧鳗鱼原条。我地一家都有柯打店家有名嘅猫饭，猫饭主要由酱油、牛油、木鱼、紫菜捞成；但真心一家人都食唔出酱油嘅味道，调味实在有为欠奉。
而和风牛肉同蒜香杂菌椰菜系最差，用差形容嘅原因系，蒜香炒杂菌椰菜系苦而且调味唔够，以早前嘅大阪烧表现推断，好怀疑可能系煮食用具㶶咗，仍不断作菜而引起，老实讲无乜调味除咗个浸浓苦味。和风牛肉败北之处则系肥牛一啲都唔入味。个种程度系令人觉得吉野家水准好太多，不论份量、调味、价钱、肉嘅口感方面，都系比唔上。
以上没提到嘅定食同小食，个人只觉得系水平一般。吉列猪扒略嫌炸得太干身，咖哩只是普通，毫无特色。形同厚烧玉子同蟹肉忌廉薯饼，食出系入货现成食材。厚烧玉子虽然价钱唔算贵，但呢只玉子牌子麻麻，再配上沙律酱同木鱼碎，真系试食一小旧即止。
整晚唯一只有蒲烧鳗鱼定食系还好。大条而且味道够，价钱合理，但同出一彻，同是入货鳗鱼，所以水准亦不会太差或特别好系言之有理。因此觉得整体不过不失嘅感想，仍会令人费解，为何水准如此仍有咁多人吹捧、为其慕名而来。
总结，可能呢次食评会令人觉得太主观，而且渗入咗太多假设性。但我认为食物水准欠奉系千真万确，包括食物㶶咗仍递上餐桌嘅态度唔专业都系真。思量过字句嘅操词，尝试唔表现得太过激，但以上狠评，只希望店家有机会睇到后，想办法改善其食物水准，以及反省作为厨师对煮食待客应有嘅态度。整晚晚餐体验，真系唔系一般咁简单，好失望。
张贴
