普慶餐廳

营业中

休息中

好耐無去食自助餐，不過聽講呢間好難訂位，乖女2個月前已經預訂，而且見到食評好似幾吸引，点都去試一試，入到去第一個感覺地方好大，有D迷路感，我地安排在角落位，加距離食物台比較遠，但後尾發覺原來佢啲食物好似一組組咁，其實種類真係唔多，好多食物都相同，佢只係分佈喺唔同位置，海鮮亦係令我失望嘅環節，我只係攞咗麵包蟹發覺佢好凍同有沙就冇乜興趣再食，海鮮枱唯一好似就係有員工幫你夾，感覺比較衛生，羊架無味，海南鷄比較生，可能想滑啲，但係都係無味，刺身品種小長期排隊，燒味都係一般唔吸引，唯一覺得好食嘅就係格仔餅，飲品只係俾一張飲品券每人限一杯品種亦小，如果想飲其他咖啡要加錢，呢個自助餐我雖然唔飽，但係佢D食物真係引唔起我嘅興趣，所以我一定唔會再去食