壹碗麵 (已結業)

星期日下午一點多，原本想去阿鴻小吃食LUNCH，但等位的人太多, 於是行過 隔離個間一碗麵試下，入許時只得一枱客, 我地兩個人叫了柚子豬軟骨撈麵〔豬軟骨幾好味〕、蝴蝶腩撈麵〔蝴蝶腩超鹹, 又韌又鞋〕、糖心蛋 〔OK〕、油菜〔菜心太老, 有渣〕、白灼駝鳥肉〔普通〕，但的麵就絕對唔得， 好硬， 直情喺同啲煮唔淋嘅意大利闊麵一模一樣，用於中式麵點， 實在是格格不入。剛剛食完，阿姐就即刻來收碗，仲細細聲咁同我地話門口有好多人等位，但望出去就只得一對男女等緊，相反，隔離間阿鴻小吃就真喺仲有好多人等緊位，想坐多一陣等啲咁硬嘅食物落下隔先都唔得，真喺無癮！呢間壹碗麵以後都唔使再返轉頭幫襯。