明閣 (香港康得思酒店)

小妹生日飯，相識十多年o既朋友宴請到明閣晚膳。一行四人準時到達，經過長走廊時已被典雅o既裝潢吸引。花多眼亂又心大心細，我地研究餐牌接近20分鐘先可以決定菜式酥炸釀蟹蓋 - 見到蟹形盛器已心花怒花。表面香脆，入面混合了蟹肉及忌廉，香甜美味。芝士焗蟹蓋 - 表層芝士半溶，蟹肉混合芝士，味道不錯，但稍鹹。比較喜歡酥炸o既。紅酒火燄黑豚肉 - 上檯已被火燄吸引。打開錫紙更飄出香氣，即刻胃口大增。豚肉唔鞋，味濃。最欣賞什菌，吸收哂豚肉o既肉香同紅酒o既味道，非常好食。乳豬炒飯 - 乳豬夠脆，唔太油。炒飯味道有d似西炒飯，冇咩特別。芥辣煙三文魚 - 呢道菜應該唔難整，冇咩特別之處。黑魚籽海生蝦炒蛋白 - 黎明閣好多人都點呢道菜。蝦夠爽同鮮，蛋白炒得夠滑，非常好！片皮鴨 - 我地叫左半隻，上檯果陣我地都有d呆，片皮鴨點解好似片肉咁o既？甜夢仙境 - 因為隔離檯叫左一客，被乾冰做出的效果吸引，所以我地亦點左一客。豆腐芝麻布甸，香滑豆香，芝麻味濃。燕晶瑩，味道不錯，特別。焗芝士撻，芝士香軟幼滑。杞子桂花糕，清甜。