滿漢金鍋 (已結業)

疫情底下最怕唔乾淨嘅餐廳，嚟度環境都唔錯，又乾淨。見到好多款嘢食，十五十六乜嘢都想試，最後侍應推介下叫咗萬花筒二人火鍋套餐，每樣都有啲。嘢食嚟到嘩咗聲😍好似食下午茶咁嘅感覺，唔同款嘅嘢食都有，唔怪之得叫萬花筒。肉類好多，連牛都有唔同款，肥牛、牛脷、牛胸油同牛肉粒; 又有雞同黑豚肉, 食食吓中間仲好似食到羊🤪仲有午餐肉、鵝腸同三色丸等等。海鮮款類有蠔🦪花甲、魚同蝦，應有盡有。蝦勁新鮮，嚟到仲郁吓郁吓。仲有個大大蔬菜籃，娃娃菜白菜🥬金菇蘑菇粟米🌽等等。好多款嘢食，量都好多😎唔怕唔夠食。跟餐另外配嘢飲，叫咗紫貝天葵同荔枝梳打冰，唔算太甜啱啱好！