勝香園

营业中

休息中

其實食過好多次，雖然排隊要排一陣，環境唔係非常舒服，服務態度唔係很好，但係如果唔使返工都會特登過嚟食一個午餐。先講服務態度，排隊時聽到食客要求加單，但係阿姐拒絕，另外亦聽到阿姐話另一食客只係叫多士加飲品咁少。所以嚟呢度食絕對唔可以要求服務。環境雖然係大排檔格局，但係都乾淨既食物方面，每位食客都係叫番茄麵或蕃茄通粉，餸都幾多選擇。我叫咗個番茄雞扒面，有好多蕃茄蓉，但係個面煮得唔夠透。今次嚟食主要係想食檸蜜脆脆，真係好好味，脆得來又唔會太乾，蜜糖同檸檬好夾。嗰日食午餐比較熱，叫咗杯鹹檸七，喺熱既天氣飲真係一流。