影片
更多
2015-02-27
701 浏览
同男友做冬 @ 名點屋一早就同屋企人提早左做節 ,做冬果日收早 , 加上又唔想煮飯 ,所以就同男友 2 個出去食飯順便做埋節 ,原本想食日本野既 , 但去開果間得自助餐 ,而且又要 300 幾蚊 1 個, 真係唔係好抵 ,所以就去左飲茶囉 ~ 名點屋 .雖然免收加一 , 但睇返 d 價錢 , 其實已經加左囉 .花枝釀茄子 ~ 原來係煎魚肉茄子 , 仲以為係新野添 ,魚肉煎到岩岩好 , 外跪內熟又唔乾 , 而茄子睇落好似硬身咁 ,但一咬落去 , 係軟身既 , 而且味道仲好新鮮同鮮甜 , 唔錯 .山竹牛肉球 ~ 牛肉好新鮮亦冇加粉令到實身 , 爽口馬蹄 , 香口莞茜 ,再加埋唿汁 , 每次飲茶必食 , my favor !原粒瑤柱灌湯餃 ~ 真係好鬼大粒 , 餃皮又唔會浸到爛晒 ,因為好多時食 , 餃皮同肉都已經分開左 , 而今次食時仲可以完整冇缺 ,入口餃皮仲好有咬感 , 餡料仲熱辣辣 , 湯底好清甜而且味道濃郁 , 正 !鳳爪排骨煲仔飯 ~ 個煲真係好熱 , 上到枱仲有 “支支咋咋” 聲 ,真係岩岩煲好 , 約 3 碗飯份量 , 2 個人食岩岩好 ,鳳爪排骨醃到岩岩好 , 唔會太咸 ,
一早就同屋企人提早左做節 ,
做冬果日收早 , 加上又唔想煮飯 ,
所以就同男友 2 個出去食飯順便做埋節 ,
原本想食日本野既 , 但去開果間得自助餐 ,
而且又要 300 幾蚊 1 個, 真係唔係好抵 ,
所以就去左飲茶囉 ~ 名點屋 .
雖然免收加一 , 但睇返 d 價錢 , 其實已經加左囉 .
花枝釀茄子 ~ 原來係煎魚肉茄子 , 仲以為係新野添 ,魚肉煎到岩岩好 , 外跪內熟又唔乾 , 而茄子睇落好似硬身咁 ,
但一咬落去 , 係軟身既 , 而且味道仲好新鮮同鮮甜 , 唔錯 .
山竹牛肉球 ~ 牛肉好新鮮亦冇加粉令到實身 , 爽口馬蹄 , 香口莞茜 ,再加埋唿汁 , 每次飲茶必食 , my favor !
原粒瑤柱灌湯餃 ~ 真係好鬼大粒 , 餃皮又唔會浸到爛晒 ,因為好多時食 , 餃皮同肉都已經分開左 , 而今次食時仲可以完整冇缺 ,
入口餃皮仲好有咬感 , 餡料仲熱辣辣 , 湯底好清甜而且味道濃郁 , 正 !
鳳爪排骨煲仔飯 ~ 個煲真係好熱 , 上到枱仲有 “支支咋咋” 聲 ,真係岩岩煲好 , 約 3 碗飯份量 , 2 個人食岩岩好 ,
鳳爪排骨醃到岩岩好 , 唔會太咸 , 飯就啱啱好 , 唔會太淋或過硬 ,
食到最後 , d 飯仲蕉蕉地 , 呢 d 就係煲仔飯既特色 ,
估唔到呢個煲仔飯又做到好有大排檔風味喎 .
薑汁千層糕 ~ 千層糕就成日食 , 薑汁就第一次 , 仲要熱辣辣上碟 ,口感好煙韌 , 食時成個口都充滿薑汁味道 , 用料十足丫 ,
不過當凍左時再食 , 口感就差左小小 .
题外话/补充资料：
買單都係 150蚊有找 , 同平時 2 個人飲茶都差唔多價錢 ,
賣點即叫即整 , 真係唔錯 , 熱辣辣上枱 , 仲出晒煙添 ,
而且冇加味精 , 食完都冇口乾感覺 , 食物質數都唔錯 ,
環境同服務態度都 ok , 下次可以再幫襯 .
(以上食记乃用户个人意见 , 并不代表OpenRice之观点。)
张贴
