里木

营业中

休息中

女朋友生日，之前佢有同我提過佢今年想去食一次高級嘅日本菜，因為好常喺YouTube睇到網紅或者主播去食高級日本料理，佢真係好想體驗一次。為咗實現佢呢個小小嘅願望，我book咗呢間「里木」，帶佢好好體驗一次豪華晚餐。喺呢度食晚餐好有feel，環境同氛圍都好高檔，好enjoy，食得好放鬆。廚師發辦我哋兩個都係第一次食，叫咗佢哋嘅「夏の海膽奢華體驗」套餐入面有幾樣菜品我特別鍾意嘅和牛海膽熱狗非常特別，就係頂級和牛切片，搭配住海膽一齊食，口味同口感都非常豐富。女朋友仲發現呢都嘅松葉蟹雞湯配海膽非常鮮濃，佢好鍾意。嘗試咗魚子醬，女朋友唔太鍾意，我就超級鍾意，鮮美中帶一點甜。牡蠣好新鮮，一點異味都冇，全部都係牡蠣獨有嘅鮮味。北海道牡丹蝦配海膽同炭燒帆立貝海膽漢堡都係佢哋嘅特色菜品，食咗感覺好特別，全部嘅肉質都好軟嫩，入口即化，又非常鮮甜。我哋都叫咗支酒，感覺所有食材都好夾酒，我哋就一邊食海鮮，一邊飲燒酒，一邊傾偈，感情仲更加好咗。我哋都食得好滿足，食完過後，女朋友眼濕濕咁多謝我帶佢體驗咁豐盛嘅晚餐啦！