影片
更多
2020-07-07
119 浏览
笔者介绍：人称「肥佬B」，自2009年加入openrice，一直以openrice用作bookmark餐厅用途。踏入三十之年，心广体胖嘅我quota递减，故每逢可以出街食饭定必事前做足功课，以免浪费quota，希望透过写食评同大家分享饮食心得和介绍我嘅口袋餐厅。作为新界仔嘅我，更与女友相约「每月港岛一餐」，有兴趣就即刻follow我啦！最近女友有d值得庆祝嘅事，我当然要揾间餐厅同佢食餐好奖励下佢。上openrice揾餐厅见到CHEF STAGE de Eddy Chu都好多好评，性价比亦都好似唔错，最紧要仲有埋个靓景，即刻book台！一出lift已经见到老细好多奖系门口，大有来头！入座前做足防疫措施唔少得，量体温+搓手液消消毒！餐厅位于19楼，可以睇到尖沙咀靓景当日有幸得到老细招待，非常有礼，亦都十分详尽咁介绍餐牌同推荐时令食物乳酪鲜虾芒果沙律颜色鲜丽，有红有绿，入面包括一般沙律出现嘅菜、大虾同芒果！特制酱汁配上芒果，甜甜酸酸好醒胃。虾肉结实！海鲜盘呢个海鲜盘真系不得了，加唔洗300就食到，整体新鲜、有鲜味又够冻，最正系女友有得打卡呀嘛！Eddy仲特制左两款酱汁俾客人自己点黎食，香叶柠
最近女友有d值得庆祝嘅事，我当然要揾间餐厅同佢食餐好奖励下佢。上openrice揾餐厅见到CHEF STAGE de Eddy Chu都好多好评，性价比亦都好似唔错，最紧要仲有埋个靓景，即刻book台！一出lift已经见到老细好多奖系门口，大有来头！入座前做足防疫措施唔少得，量体温+搓手液消消毒！
餐厅位于19楼，可以睇到尖沙咀靓景
当日有幸得到老细招待，非常有礼，亦都十分详尽咁介绍餐牌同推荐时令食物
乳酪鲜虾芒果沙律
颜色鲜丽，有红有绿，入面包括一般沙律出现嘅菜、大虾同芒果！特制酱汁配上芒果，甜甜酸酸好醒胃。虾肉结实！
海鲜盘
呢个海鲜盘真系不得了，加唔洗300就食到，整体新鲜、有鲜味又够冻，最正系女友有得打卡呀嘛！Eddy仲特制左两款酱汁俾客人自己点黎食，香叶柠檬汁，有柠檬嘅酸又有少少辣；冬阴公汁，有d杰身，有好香嘅香茅同柠檬叶味。
带子：配白面豉蜜糖，咸香带甜！带出带子嘅甜度同鲜味！
南非生蚝：大只，creamy有海水味
蚬：鲜甜无沙
大虾：够冻，同质结实，似酒店食嘅头盘冻虾
鲍鱼：事前有用调味煮过，鲜甜厚肉！
黑松露磨菇汤十分足料绝无欺场，每一啖都食到菇肉，有松露香气但又无盖过哂其他味，呢个唔系creamy style，唔会用好多忌廉，无咁肥，啱哂女士！
清酒蟹肉日本年糕呢个我劲钟意！年糕有四旧，烟韧挂汁！个汁有d日式西餐feel，creamy，中间有d蟹肉提鲜！
特选杂扒
全晚我最期待呢个，无计啦我系食肉兽嘛！上台已经闻到烧烤嘅焦香同肉嘅脂香交叠！
牛肉眼：较薄身，牛脂好香，唔鞋口
黑毛猪：厚切，油脂好足
黄油鸡扒：食到同出面冰鲜鸡扒唔同，有鸡味，
羊鞍肉：羊味较重，做到半生熟，嫩滑
烧牛脷：一大条咁食，无so味，够淋！
配菜：第一次食到紫薯蓉，比较黏身，好香甜，同平时嘅薯容唔同！红萝卜超甜！
鲜鲈鱼柳配日本带子鲈鱼煎得皮脆肉嫩，选用冇骨部位啖啖肉。带子煎到半熟
食埋个精美甜品就结束美味嘅一餐，渡过一个愉快满足的晚上。今时今日做老板唔易，开餐厅更难，从店内各个微小地方都见得到老板用心经营！值得支持！
张贴
