更多
2008-06-02
13 浏览
师傅见今日闷闷地, 于是决定由湾仔行去铜锣湾顺便食个午膳, 但就漫无目的地行, 终于行到黎呢间食店面前, 谂左三秒决定入去试下, 因为师傅从来都未黎过!入到去唔算好多人, 可能系时间尚早嘅关系啦, 伙计安排坐底后, 跟住就放低杯清茶! 好, 睇下有咩好食先, 睇睇下师傅都有d三心两意咁, 最后都系决定系食烧味饭, 因为呢间食店叫做烧味连锁店, 所以冇理由唔试, 于是就柯打左个叉烧饭同冻柠檬茶!于是喺等嘅过程中, 师傅觉得有d口渴, 所以想饮啖清茶, 点知一攞起只杯, 准备放入口时, 师傅闻到好重漂水味, 前后将呢个动作做左两次, 最后都系放弃, 咁重漂水味点饮呀?一息间叉烧饭就放左喺师傅面前, 其实喺落单前, 师傅见到佢个餐牌上有个温馨提示, 就系如需多饭, 佢地系可以比多d你嘅, 撞啱今日师傅鬼咁肚饿, 所以都要多饭; 点知一放底个叉烧饭, 师傅就发觉原来要求多饭都系得咁少, 如果唔叫佢多饭, 好可能真系唔够食㖞! 先试下个叉烧, 叉烧系半肥瘦, 有蜜味, 甜甜地加上肉质够松, 都几好味; 白饭配佢嘅豉油汁都叫可以, 因为豉油汁唔算太咸, 甜甜地都几好味; 冻柠檬茶都算大杯, 茶味都
入到去唔算好多人, 可能系时间尚早嘅关系啦, 伙计安排坐底后, 跟住就放低杯清茶! 好, 睇下有咩好食先, 睇睇下师傅都有d三心两意咁, 最后都系决定系食烧味饭, 因为呢间食店叫做烧味连锁店, 所以冇理由唔试, 于是就柯打左个叉烧饭同冻柠檬茶!
于是喺等嘅过程中, 师傅觉得有d口渴, 所以想饮啖清茶, 点知一攞起只杯, 准备放入口时, 师傅闻到好重漂水味, 前后将呢个动作做左两次, 最后都系放弃, 咁重漂水味点饮呀?
一息间叉烧饭就放左喺师傅面前, 其实喺落单前, 师傅见到佢个餐牌上有个温馨提示, 就系如需多饭, 佢地系可以比多d你嘅, 撞啱今日师傅鬼咁肚饿, 所以都要多饭; 点知一放底个叉烧饭, 师傅就发觉原来要求多饭都系得咁少, 如果唔叫佢多饭, 好可能真系唔够食㖞! 先试下个叉烧, 叉烧系半肥瘦, 有蜜味, 甜甜地加上肉质够松, 都几好味; 白饭配佢嘅豉油汁都叫可以, 因为豉油汁唔算太咸, 甜甜地都几好味; 冻柠檬茶都算大杯, 茶味都算几够, 不过甜左少少, 可以啦!
总括黎讲叉烧饭嘅质素绝对可以接受, 而环境都几舒服, 加上冷气充足, 唔会食到身水身汗, 服务都几友善, 至于价钱就偏贵, 单拼饭餐都要四十一蚊, 如要双拼就要四十四蚊, 冻饮仲要加三蚊添, 都咪话唔贵? 仲要个份量唔算多, 所以师傅觉得唔抵食! 试过一次之后, 师傅喺度谂莫非呢间食店吊高黎卖? 莫非似住系集团? 莫非似住系铜锣湾区? 试过一次之后, 相信冇咩必要唔会再黎, 皆因到呢一刻师傅仲觉得好唔抵食, 好肉赤呀!
张贴
