吉野家 (已搬遷) 新店位置

突然心血來潮想食吉吉家邊爐，見到無左以前個隻細既竹輪鍋，得番加大版，即係又有雞又有牛70幾蚊，兩個人叫兩個又驚食滯，於是叫左一個加大版，濃湯，烏冬，另外叫多左餃子同墨魚粟米餅。芝士竹輪真係幾時都咁好食，d娃娃菜都非常入味，牛肉亦好好味，配芝麻醬一流，南瓜煮到最後咸咸甜甜好好食，最衰得薄薄兩塊，蟹柳亦好味，烏冬吸左湯底之後都好食。個額外加既餃子同墨魚粟米餅就稱嫌失色。餃子餡非常少，冇咩特別。墨魚粟米餅有少少鞋，粟米味亦唔濃。唯一嘅缺點就係食完之後一路都好口乾，個湯底應該都落咗唔少味精，但吉野家邊爐真係好食。