天寶茶餐廳

营业中

休息中

買少見少舊式茶餐廳。假天花，拱門，地磚，木卡位，木枱加玻璃，水吧位燈片，過去傳宣既海報，入到去好似時光倒流。午餐45左右街坊價，但我都叫左個繪汁吉豬飯加杯凍奶茶。繪汁係以前周街都食到既果道，濃濃地，甜得黎有些少茄汁味。點解我話以前容易食到？因為隨著領展趕盡殺絕，又或者餐廳無人接手，依類茶餐廳愈來愈少。而家多數響獨立大廈地鋪先會有機會遇到。不得不讚佢個吉豬，炸得岩岩好，咬落鬆化，58蚊，岀面都食唔到。一味賣弄厚切果d餐廳無用架，寧願你炸得好比多件人地啦，果d餐廳永遠令你失望。