一見到呢間「直燒和牛商店」有任食吉列牛舌就已經雙眼發光🤩 不過見其他人話佢哋舖頭好細，所以我同朋友就預早book定位去食～ 開頭見個地址有啲熟口熟面，去到發現原來之前係旺角燒烤堂嚟，睇返有啲foodie話，原來呢間直燒和牛商店係燒烤堂同埋激安燒肉工房嘅姊妹店嚟💛
•
📸 晚市定食: 沙律、紫菜月見飯、冷泡茶 +$38
我哋一坐低，嘢都未講，侍應就用牛脂開定鐵板，仲會上晒呢3樣嘢，所以其實晚市係一定要每人加1個定食套餐😬
🥗沙律係柚子汁沙律，有沙律菜、一粒車厘茄同埋一粒水牛芝士，正正常常～
🫙冷泡茶係用膠樽上嘅，味道都正正常常嘅。
🍚紫菜月見飯上枱嘅時候個碗係熱辣辣嘅，但食落啲飯係硬到(係熟嘅)，好似啲煮好放咗全日嘅飯咁又硬又乾😶 雖然飯上面加咗大量紫菜碎，但係無調味嘅，飯入面仲要無任何醬汁，單靠隻生蛋黃真係幫唔到幾多，仲反而有啲嘥料😓
•
🥢 無限輪迴吉列牛舌 $98
呢個任食嘅牛舌係限時45分鐘，好似好短時間咁，但係其實都足夠食飽，因為一碟係有成20幾件厚切嘅吉列牛舌～ 每次refill可以揀一份/半份，我同朋友都算比較大食，但最後都只係追加咗1碟🫣 吉列牛舌其實可以就咁食嘅，炸衣脆卜卜，但凍食嘅牛舌口感就偏硬身少少～ 燒返嚟食就會有咬口得嚟又腍少少😛 第一碟係幾好食嘅，但第2碟嘅質素就好似爭少少，啲牛舌比較「騷」😬
另外每碟吉列牛舌都會配咗松露蛋黃醬，咁食落就無咁乾同單調，不過啲松露味唔係好食嗰種，有啲重煤氣味🫣 如果可以選配燒肉汁或者普通蛋黃醬可能會正啲～
最後要彈一彈係佢個爐嘅火唔係幾夠猛，所以啲牛舌都要燒幾耐先有焦香味，不過如果純粹想燒熱少少嚟食就都勉強ok la~
•
🥢 手切鹿兒島黑毛和牛 $158
只有5塊，仲要其中1塊在最底嘅只有其他4塊嘅一半size🥲 睇落啲雪花紋幾靚㗎，食落都有少少牛味嘅，但就同樣因為個火唔夠猛/熱，而本身啲和牛拎出嚟係無解凍嘅成嚿冰咁，所以喺塊石板上面慢燒迫唔到件和牛嘅油香出嚟，仲會燒到熟得濟而韌咗，搞到有啲嘥料咁🥺
•
💬整體嚟講，可能我去之前期望太高啦，我覺得每樣嘢都有進步嘅空間🫣
1
