影片
更多
2022-07-22
425 浏览
見到新開張，又再抱着讀萬卷書，不如試萬次伏嘅心態入去試一試。結論係有待改進。首先講舖頭嘅擺位係寬敞，完全冇逼夾嘅感覺。一入門口見到擺放汽水嘅雪櫃，排列得好整齊，入邊放住支裝汽水算係特色之選。不過當我開完支汽水之後嘗試搵吓有冇飲管，問侍應得到嘅答案係：「無管㗎，用杯啦。」其實我唔反對環保，不過可以貼返張溫馨提示等我唔使搵。（雖然我覺得支裝汽水係應該要用飲管先啱feel，但若果店主係環保分子我都支持）不過首先未夾之前，就見到個夾餸碗好似洗得唔太乾淨，有少少漬。醬油區隔離擺咗一煲白飯，上面有一盒盒日式咖喱，黐住隔離有另外一煲食物，心諗應該係咖喱，點知幫我筆完飯，諗住筆咖喱嘅時候，發現原來隔離嗰煲係紅豆沙，嗰刻我知我真係諗多咗。配菜類種類都叫做唔少，如果可以加埋蟹柳同埋蟹子丸係最好。主菜牛肉同豬肉，牛肉睇落去個樣唔錯，不過食落去就覺得少少鞋，肉質唔夠嫩滑，反而豬肉有驚喜，比想像中好食。值得一題係之前睇食評係有Häagen-Dazs送，但今日唔知點解話冇貨，有點失望。雖然佢標榜$328半價，但係會跟返原價+1服務費，即係買單都要$200一個人。服務費都值得比嘅，因為侍應見到我哋四圍望，都會主動問
又再抱着讀萬卷書，
不如試萬次伏嘅心態入去試一試。
結論係有待改進。
首先講舖頭嘅擺位係寬敞，
完全冇逼夾嘅感覺。
一入門口見到擺放汽水嘅雪櫃，
排列得好整齊，
入邊放住支裝汽水算係特色之選。
不過當我開完支汽水之後嘗試搵吓有冇飲管，
問侍應得到嘅答案係：
「無管㗎，用杯啦。」
其實我唔反對環保，
不過可以貼返張溫馨提示等我唔使搵。
（雖然我覺得支裝汽水係應該要用飲管先啱feel，但若果店主係環保分子我都支持）
不過首先未夾之前，
就見到個夾餸碗好似洗得唔太乾淨，
有少少漬。
醬油區隔離擺咗一煲白飯，
上面有一盒盒日式咖喱，
黐住隔離有另外一煲食物，
心諗應該係咖喱，
點知幫我筆完飯，
諗住筆咖喱嘅時候，
發現原來隔離嗰煲係紅豆沙，
嗰刻我知我真係諗多咗。
配菜類種類都叫做唔少，
如果可以加埋蟹柳同埋蟹子丸係最好。
主菜牛肉同豬肉，
牛肉睇落去個樣唔錯，
不過食落去就覺得少少鞋，
肉質唔夠嫩滑，
反而豬肉有驚喜，
比想像中好食。
值得一題係之前睇食評係有Häagen-Dazs送，
但今日唔知點解話冇貨，
有點失望。
雖然佢標榜$328半價，
但係會跟返原價+1服務費，
即係買單都要$200一個人。
服務費都值得比嘅，
因為侍應見到我哋四圍望，
都會主動問有咩幫到我哋👍
呢個價錢中規中矩，
整體來講間舖頭都係中規中矩。
支裝汽水
4 浏览
0 赞好
0 留言
张贴
