松藝館 (已結業)

同老公帶埋一歲嘅BB去食，餐廳侍應好幫忙，全程都好好服務，幫忙準備BB餐具，安排座位，值得一讚👍我哋揀咗6 courses Tasting Menu , 冇特別驚喜，但不過不失。6道菜中，我個人比較喜歡2道菜。頭盤- 鴨肝慕絲・藍莓醬・松露MOUSSE DE FOIE GRAS DE CANARD。鵝肝味好濃好creamy ，配藍莓醬，成件事好balance。但有少少搶過咗松露嘅味道。頭盤2 - 意大利餛飩配野生蘑菇 ・ 白酒忌廉汁 ・ 松露RAVIOLI AUX CHAMPIGNONS SAUVAG芝士忌廉配松露好夾，有松露點綴，帶出芝士嘅味道，兩者相輔相成。主菜，我點左三黃雞，雞脾薄脆、唔油膩，雞肉都算嫩口，但略嫌冇雞味。其他菜式合格，冇特別加分。餐廳環境，大部份望海，夜晚同朋友食飯傾偈應該都好唔錯。