「尚鮮火鍋海鮮料理」係由吃貨朋友介紹嘅 推介重點係重質不重量 有番咁上下質素同水準
環境不算太大 以酒紅色作主調 燈光較為昏暗 氣氛唔錯！
選擇困難症嘅我地揀左$688嘅二人精選套餐
飲品方面叫左兩杯:)
洛神花蜜茶味道有啲似酸梅湯 酸酸甜甜 洛神花養陰美顏 係女士恩物
青檸梳打蜜酸度十足！開胃又解渴
首先湯底揀左土鄉清湯 原來係皮蛋芫茜湯底
除左尼兩樣基本材料 發現裏面仲有咸瘦肉 甜酸菜 乾瑤柱！皮蛋仲要係松花個隻！
看似普通嘅湯底 原來一啲都唔簡單 係有誠意嘅湯底
味道鮮甜得尼清熱消暑！
再尼一碟特尚手切牛！牛肉薄切鮮紅 脂肪紋理分佈平均
入口軟腍 重牛味又不羶
鮮打牛丸及豬肉丸每款四粒 頗大粒的 口感彈牙 但未算驚喜:)
木耳鮮蝦雲吞拼西洋菜香菇餃係自創兼用人手製作嘅
餃皮薄薄卻又帶一點嚼勁 餃包得紮實 唔易散
有原隻鮮蝦係雲吞裏面 加入有醃過嘅豬肉及爽口木耳 賣相亦都相當飽滿
菜餃嘅餡料相比起雲吞就無咁多 不過同樣滋味
加入埋沙葛粒去增強口感 係健康嘅感覺呀
脆鯇片新鮮而且無多餘碎骨 雪白嘅鯇片爽脆無腥味
廣島蠔size中型 啖啖肉！
不過豬小姐將佢烚左好耐 食落都覺得有少許蠔腥味咁
台式黑椒腸豬先生大愛
一來唔係週圍都食到 二來黑椒味超級強勁！唔食黑椒嘅豬小姐表示一點也受不了
日式蟹柳即蟹爪棒 烚幾秒就食得！無得輸呀 得五條唔夠喉呀喂
田園盛有豐富嘅蔬菜 包括油麥菜 娃娃菜 粟米 白蘿蔔同埋金菇
粟米同白蘿蔔一早比我地掉左落湯底 令湯底甜啲嘛
蔬菜全都感覺新鮮！:)
最後一丁麵為我地晚餐畫上飽飽嘅句號
豬先生豬小姐尼個兩隻為食鬼今晚感到滿足 吃貨朋友果然夠老友 無介紹錯
應記一功哈哈哈
