八方台式麵屋 (九龍城廣場)

营业中

休息中

今日約了朋友到九龍城見面，佢話好掛住台灣美式，我就同佢入咗間台式麵館。呢間台式麵館都好多人來食嘢，仲有好多學生哥來買台式飲品。我哋都等了一陣位，先點餐後出到櫃面付款。坐低5分鐘左右，撲鼻嘅原味鍋貼就送上來。鍋貼低是脆口，面是軟軟質感，包住嫩滑肉碎，再配上醋汁，增加口感。不知不覺就吃了10隻。台式鹽酥雞和夜市花枝丸都係必食推介，金黃色鹽酥雞外脆內嫩，仲有肉汁流出。食落仲有少少海鹽味，真是似我在台灣食嘅味道。金黃色花枝丸，經過油炸後仍保留內質彈口。再配多碗懷舊經燒三寶麵。我選了麻辣湯低。看起來好似勁辣，但入口唔係好辣，係容易入口味道，牛腩超軟身，入口溶化。水餃飽滿肉汁鮮嫩、最緊要食件羅白，吸曬麻辣嘅味道。麵質爽口彈牙。再加上一杯梅子綠茶，味道清新帶有點梅子味道，是解喝之選。