影片
更多
2017-07-03
416 浏览
台灣過江龍「度小月」係海港城 LCX 成功著陸！正式開業！你地準備好去一試台灣風味呢，未去到台灣旅行可以係到止一止癮先 🤘🏿一踏入去就見到開放式既廚房，絕對係公平公正公開呀，而入面環境都各有特色，靠外面坐就有得望住啲野食歎無敵大海景，唔好彩要坐入面啲都有冷板凳坐，爭唔到尖沙咀大富豪凳仔都可以係到坐下！台灣野係香港都食唔小，講真果句食到而家都未有一間真係食到好好食，係台灣可能是但一間都好食過香港果啲，係咪真係咁難整到果種台灣味呢 🤷🏿♂️ 暫時食到「度小月」係最為滿意最接近既一間 🤤 食物定價係海港城呢個位算係抵食人情價 🤘🏿 而之前食過「阿元來了」就覺得係最好 (食左但未擺上黎並會盡快補上) 😂 度小月登陸後阿元來了要淪為做二奶，最難食既一定係「好媽媽台灣館」，要高度表揚，建議病左先去食，因為聽講病左食乜都會鹹，要有自我加鹹系統先好去食 🌚——————————————————————#祖傳肉燥飯 $28呢個肉燥飯係我係香港食過最好食既，肉燥係全程手工製作，用豬既後腿肉再加上台灣紅蔥頭爆香炒再用慢火燉煮，香味濃味惹味 🤤 必食！#擔仔麵 $28擔仔麵係原自台南既一種小食，好多人到而家都搞
一踏入去就見到開放式既廚房，絕對係公平公正公開呀，而入面環境都各有特色，靠外面坐就有得望住啲野食歎無敵大海景，唔好彩要坐入面啲都有冷板凳坐，爭唔到尖沙咀大富豪凳仔都可以係到坐下！
台灣野係香港都食唔小，講真果句食到而家都未有一間真係食到好好食，係台灣可能是但一間都好食過香港果啲，係咪真係咁難整到果種台灣味呢 🤷🏿♂️ 暫時食到「度小月」係最為滿意最接近既一間 🤤 食物定價係海港城呢個位算係抵食人情價 🤘🏿 而之前食過「阿元來了」就覺得係最好 (食左但未擺上黎並會盡快補上) 😂 度小月登陸後阿元來了要淪為做二奶，最難食既一定係「好媽媽台灣館」，要高度表揚，建議病左先去食，因為聽講病左食乜都會鹹，要有自我加鹹系統先好去食 🌚
——————————————————————
#祖傳肉燥飯 $28
呢個肉燥飯係我係香港食過最好食既，肉燥係全程手工製作，用豬既後腿肉再加上台灣紅蔥頭爆香炒再用慢火燉煮，香味濃味惹味 🤤 必食！
#擔仔麵 $28
擔仔麵係原自台南既一種小食，好多人到而家都搞錯擔仔麵同擔擔麵 🤷🏿♂️ 係兩樣完全唔同既野，正宗擔仔麵入面有咩呢，就係有麵是常識吧！然後有肉燥、蝦仁、芽菜、蒜泥、湯汁、五印醋，所以食落有小小醋味好開胃，呷開醋表示好正 🤤
#安平鮮蚵湯 $38
係用蚵仔同大量薑絲去煲，薑既味道有啲功高蓋主，相對上薑味重而蚵仔味就輕，但都飲到少許蚵仔既蚵仔味，當普通盅湯飲都正既，中意重薑味既朋友會中意 🤘🏿
#烤紹興香腸 $28
呢個都唔算特別有咩特別，特別之處就係台灣香腸既味，撈埋肉燥飯一齊食好正 🤤
#蚵仔酥 $68
呢個真係必點！！！蚵仔煎就食得多，蚵仔酥真係第一次食，原理同蚵仔煎差唔多，都係台式地炸，但係係冇蛋，純炸原隻蚵仔，真材實料，每啖都係香脆蚵仔既味道 🤤
——————————————————————
#度小月
尖沙咀海港城海運大廈 LCX 3 樓 31 號舖
张贴
