良辰吉時 (已結業)

點解要用一個肥仔嘅樣做Logo呢？原來呢間台式飲品店嘅老闆係台灣嘅藝人 - 納豆～ 難怪要將自己個嘜頭印係度啦！依家間間台式飲品店都推出黑糖鮮奶類嘅飲品，呢間都唔例外。今次我地都試一試佢地嘅主打飲品 - 啵爆黑糖珍珠厚鮮奶。呢杯野係以黑糖、珍珠、鮮奶整成，係無任何茶嘅成份嘅～ 老實呢杯唔係我飲過最好飲嘅講黑糖鮮奶飲品，但其實味道都算唔錯。黑糖珍珠略為煮得太軟身，少左黑珍珠嘅咬口；黑糖算係濃郁但鮮奶就唔夠濃，所以溝埋之後黑糖會完全蓋過左奶味，有點可惜！味道唔係最好，但可以一試！