燈籠滷味 (朗豪坊)

营业中

休息中

呢段時間都冇得出走台灣，唯有食下台灣嘢解下癮。今次就食台灣過江龍燈籠滷味，而旺角分店就開係朗豪坊，位置都好就腳。店舖亦設有最低消費，每人至少消費$50。招牌燈籠滷味滷味配料種類好多，起碼有30款以上可以揀，包括有丸類、蔬菜類及面類等。我就揀咗豬耳、百頁豆腐、甜不辣、花枝丸同冬粉（粉絲）$60。建議叫店員拎啲辣椒油撈埋一齊食，會更加香。豬耳脆骨位好爽脆，花枝丸仲會食到墨魚粒粒，其他配料就比較普通。而冬粉份量都好多，而且好吸汁，食落就有少少乾，食到尾都有啲口渴。總括嚟講，食物質素都比較普通。唔需要排隊的話，可以一試。