台灣ET鹽水雞 (符興街) (已結業)

疫情下无得去旅行，总要周围揾下异国美食止下瘾，钟意去台湾夜市嘅我，除咗卤味之外，盐水鸡亦系卖飞佛，之前去葵涌广场，经常黎呢间ET盐水鸡，非常有台湾本土风味。今日黎到上水见到开咗分店，梗系买返盒返屋企同老婆一齐叹啦。我地拣咗两个一人餐，有鸡及三款配菜，呢度嘅好处系鸡胸、鸡腿及鸡翅可以自由配搭，咁就可以试晒唔同部位嘅鸡啦。两盒我地都拣咗鸡胸加鸡腿，其中拣咗贡丸、蟹柳及猪耳，鸡腿肉好鲜嫩，而鸡胸肉亦都唔鞋，爽口嘅猪耳令全盒鸡更有口感，小辣之下越食越开胃。另一盒配菜拣咗白云凤爪、白萝卜及黑木耳，都系要咗小辣，鲜甜嘅萝卜吸收咗辣辣地嘅汁，更加惹味。虽然可以加十蚊有冷面，但一盒𩠌嘅份量都算几多，唔需要加都已经够饱，而得闲买返盒黎加𩠌都算唔错。