影片
更多
2018-10-07
1140 浏览
今日即興約咗死黨打邊爐， 佢話工作充滿怨氣， 打工仔最啱就係一路打邊爐一路食一路呻一路飲。。我都係聽朋友講呢間好抵食， 食完仲可以喺寶勒巷附近飲嘢。餐廳裝修光猛潔淨， 牆壁有好多店舖主打美食圖片， 煱底都以台式為主。各種飲品 包括各式汽水，涼茶應有盡有。 仲有自家製甘蔗汁。醬汁區都整齊乾淨。就係想試此店招牌"台式養生鍋"同"四川麻辣鍋"。 養生鍋內有許多材料包括各種唔同藥材，鮮人蔘，黨參片，川芎同白胡椒粒等， 有少少似 肉骨茶嘅味道但係以白底為主，湯頭濃郁又带葯材。 四川麻辣鍋麻味辣味平衡， 絕對係常人接受到嘅辣。 隨湯熱附送蜂巢豆腐同鴨血。 兩者都非常地道台式美食， 鴨血又滑又嫩。 蜂巢豆腐砌成長方柱體， 非常索湯。先來一盤刺身(按人頭計)， 質素普通， 當冷盤前菜都唔錯。還有一盤海鮮拼盤(按人頭計)。 帶子鮮甜彈牙， 蟶子肉質 ok冇沙， 估唔到最掂係隻bb鮑魚。 放咗湯我哋唔記得咗， 撈返上嚟都係好軟熟彈牙， 有驚喜!其他火鍋配料都係剔紙仔，任點。此店一大賣點係任吃牛頸脊。 我哋唔係食肉獸所以每款只係試少少。手切牛頸脊非常嫩滑， 濃厚嘅肉味， 帶少少嘅脂肪， 有咬口 ，食落肉質
今日即興約咗死黨打邊爐， 佢話工作充滿怨氣， 打工仔最啱就係一路打邊爐一路食一路呻一路飲。。我都係聽朋友講呢間好抵食， 食完仲可以喺寶勒巷附近飲嘢。
餐廳裝修光猛潔淨， 牆壁有好多店舖主打美食圖片， 煱底都以台式為主。
各種飲品 包括各式汽水，涼茶應有盡有。 仲有自家製甘蔗汁。
醬汁區都整齊乾淨。
"台式養生鍋"併"四川麻辣鍋
22 浏览
0 赞好
0 留言
就係想試此店招牌"台式養生鍋"同"四川麻辣鍋"。 養生鍋內有許多材料包括各種唔同藥材，鮮人蔘，黨參片，川芎同白胡椒粒等， 有少少似 肉骨茶嘅味道但係以白底為主，湯頭濃郁又带葯材。 四川麻辣鍋麻味辣味平衡， 絕對係常人接受到嘅辣。 隨湯熱附送蜂巢豆腐同鴨血。 兩者都非常地道台式美食， 鴨血又滑又嫩。 蜂巢豆腐砌成長方柱體， 非常索湯。
先來一盤刺身(按人頭計)， 質素普通， 當冷盤前菜都唔錯。
還有一盤海鮮拼盤(按人頭計)。 帶子鮮甜彈牙， 蟶子肉質 ok冇沙， 估唔到最掂係隻bb鮑魚。 放咗湯我哋唔記得咗， 撈返上嚟都係好軟熟彈牙， 有驚喜!
其他火鍋配料都係剔紙仔，任點。
手切牛頸脊
9 浏览
0 赞好
0 留言
此店一大賣點係任吃牛頸脊。 我哋唔係食肉獸所以每款只係試少少。
手切牛頸脊非常嫩滑， 濃厚嘅肉味， 帶少少嘅脂肪， 有咬口 ，食落肉質鮮味。
豚肉都非常嫩滑， 脂肪比例適中，應該屬於靚嘅部位。 碌完又唔會好似紙咁薄。 唔食牛嘅朋友讚不絕口!
牛筋
5 浏览
0 赞好
0 留言
估唔到會有牛筋。 淥完之後嘅效果同牛筋腩河 一模一樣。 牛筋又腍又入味， 半筋半腩更是不得了， 非常美味!
豬潤係超薄切， 留意唔好淥得太耐。
鵝腸会連埋啲肥膏， 雖然有啲邪惡， 但放湯之後就只係見到鵝腸， 好爽又唔韌， 少少哋試下冇壞。
墨魚滑同蝦滑質素唔錯。 冇咩溝粉 墨魚膠彈牙，調味適中， 食落鮮甜。
菜心粟米蕃茄 也新鮮。 菜芯尤其嫩綠鮮甜。 鮮淮山 有益健康， 比起 薯仔，質感有少少滑嘅澱粉質， 放湯唔錯。朋友就好鍾意食金菇。
紅薯粉放在四川麻辣湯底 就最good fit!
煙韌又索湯。
叫了一盤"雜餃"。 顧名思義就係咩餃都有啲。 雲吞餡料脹卜卜， 裏面有大大隻海蝦， 啖啖鮮味。
午餐肉切成柱體， 貌似積木，入口都幾甘香， 我哋竟然encore咗 呢一款都冇encore 牛肉。
牛柏葉切得細細塊，入口都幾爽。 不過好快縮到好細， 要mark 实撈返上嚟。
台式酒糟肉一定要試。 本身已經熟， 放湯約30秒， 腩肉仍然軟彈， 皮脂部分 一點都唔肥膩， 介爽爽地， 淥完之後肉質亦充滿酒的香味， 甚有特色!
即炸響鈴 亦非常推介， 脆身又香口， 完全冇嗰陣油炸嘅味道。 魚皮放湯飲唔錯， 不過好厚我覺得有啲韌。
我哋都叫咗老油條不過冇嚟到， 唔緊要已經好full啦。
添加嘅湯同原先嘅一樣， 所以個湯底味道由始至終keep到尾， 有誠意。
所以話火鍋材料貴精不貴多，$298任食 價錢好合理 ，好適合食量唔大嘅我们。
张贴
